Абу Даби го победи Белград за организацијата на фајналфорот на Евролигата, а денеска двете страни официјално потпишаа договор за одржување на Ф4 од 23 до 25 мај во Обединетите Арапски Емирати.
Натпреварите ќе се играат во величествената „Етихад Арена“, со капацитет од 12.000 седишта. Полуфиналните натпревари се играат во петок на 23 мај, првото во 16 часот, второто во 19 часот по средноевропско време. Натпреварот за третото место е закажан за недела на 25 мај во 15 часот, а финалето во 18 часот. Продажбата на билетите ќе започне на 26 февруари.
Abu Dhabi to host the 2025 Turkish Airlines EuroLeague Final Four! 📢
May 23rd-25th 🗓️
Tickets to go on sale on February 26 🎟️ pic.twitter.com/mNErh45aIL
— Turkish Airlines EuroLeague (@EuroLeague) January 28, 2025
„Благодарам на градот Абу Даби за довербата во Евролигата. Ова е амбициозен проект и одлична можност да се запознае атмосферата на Евролигата пред нова, сосема поинаква публика. Во исто време, ова партнерство им гарантира на нашите верни навивачи ново искуство во еден од најмодерните и најпријателски градови за туристите. Заедно ќе испорачаме врвен настан кој ќе ја издигне Евролигата на нови височини“, рече претседателот на Евролигата, Дејан Бодирога.
Покрај него, во свечената делегација на Евролигата која го посети Абу Даби беа и Владе Дивац, Тони Кукоч, Дино Раѓа, Теодорос Папалукас и Рамунас Шишкаускас.