Швеѓанката Лорин, која се натпреварува да оди на Евровизија, веќе е фаворит на тоа натпреварување. Евровизиските фанови ширум Европа се обложуваат дека Loreen ќе победи на Евровизија. Повторно.
Loreen се пласираше во финалето на шведскиот натпревар, а нејзината песна Tattoo и настапот на Melodifestivalen беа објавени на интернет. Потценување е да се каже дека Европа „полуде“. Loreen и нејзината песна веќе се на топ листите во Велика Британија и Ирска, а бројот на евровизиски фанови кои се сигурни дека имаме нов победник расте од час во час.
„Дали само што бевме сведоци на ремек дело? Овој настап ќе влезе во историјата на Евровизија како еден од најдобрите настапи некогаш видени“, пишуваат корисниците на социјалните мрежи за Loreen.
Шведска е на врвот на обложувалниците со речиси двојно поголеми шанси од Украинците. Повеќе од 27 отсто од обложувачите се обложиле на победа на Шведска.
Loreen веќе победи на Евросонг во 2012 година, а нејзината песна Euphoria е на врвот на најпопуларните евровизиски песни во историјата.