Повлекувањето на сите руски сили од Украина ќе биде еден од главните услови за укинување или измена на санкциите на ЕУ, изјави во средата портпаролот на Европската комисија.
Земјите од Европската унија ги обновија двата видови на санкции кон Русија за дополнителни шест месеци на крајот на јануари и почетокот на овој месец. За какви било промени на санкциите потребно е едногласност од 27-те земји-членки.
„Крајот на неиспровоцираната и неоправдана руска агресија во Украина и безусловното повлекување на сите руски воени сили од целата украинска територија ќе биде еден од главните услови за измена или укинување на санкциите“, рече портпаролот.
САД имаа посебни договори со Украина и Русија во вторникот за да ги запрат поморските напади и нападите врз енергетската инфраструктура, при што Вашингтон се согласи да изврши притисок за укинување на некои санкции против Москва.
Русија во вторникот соопшти дека САД оединетите Држави се согласиле да и помогнат во укинување на низата западни санкции и ограничувања за прехранбените компании, вештачките ѓубрива и бродските компании како предуслов за договорот за поморска безбедност во Црното Море.
Дипломати изјавиле за Ројтерс дека повеќето ограничувања наведени од Кремљ се однесуваат на санкциите и ограничувањата на Европската Унија.