Европската комисија (ЕК) денеска објави извештај во кој предупреди на економски потешкотии во 10 земји од Европската унија кои би можеле да имаат негативни последици за целиот блок.
Макроекономските нерамнотежи во тие земји предизвикаа загриженост во таканаречениот Извештај на механизмот за тревога, па тие дополнително ќе бидат анализирани.
Комисијата наведува дека нерамнотежи се забележани во Германија, Грција, Италија, Унгарија, Естонија, Романија, Словачка, Шведска, Холандија и Кипар.
Извештајот за механизмот за предупредување (AMR) ги анализира факторите како што се стапката на невработеност, нивото на долг, кредитните текови и цените на недвижностите и секогаш се објавува на крајот на календарската година.
Европската централна банка очекува економски раст на еврозоната во 2024 година од 0,7 отсто и забрзување до 1,1 отсто во 2025 година и до 1,4 отсто во 2026 година, што е нешто помал раст во однос на претходната прогноза, се вели во извештајот кој беше објавен минатата недела.
ЕЦБ прогнозира дека стапката на инфлација во еврозоната во 2024 година ќе биде 2,4 отсто во 2024 година и ќе падне на 2,1 отсто во 2025 година и на 1,9 отсто во 2026 година.
Според прогнозата на ЕЦБ, основната стапка на инфлација ќе падне на 2,9 отсто оваа година, на 2,3 отсто во 2025 година и на 1,9 отсто во 2026 година.