Пратеникот од редовите на коалицијата Европски фронт, Скендер Реџепи денеска истакна дека хуманитарната криза во Газа останува еден од најголемите проблеми во современиот свет, и покрај новиот конфликт меѓу Израел и Иран. Согласно тоа, ЕФ до Собранието поднел предлог-резолуција за хуманитарната криза.
Пратеникот информира дека се осудува хуманитарната блокада од Израел врз појасот Газа. Итно се бара од Израел да овозможи влез на хуманитарната помош, храна, медицински средства и логистичка поддршка за цивилите во Газа.
-Изразуваме длабока солидарност со палестинското население. Потсетуваме дека секој човечки живот има своја вредност без разлика од каде доаѓа. Имаме морална обврска и ги повикуваме ОН, ЕУ и Исламската конференција за да извршат притисок врз Израел за прекин на хуманитарната блокада. Исто така очекуваме и Владата да изврши дипломатски притисок врз Израел, кажа Реџепи Зејд на прес-конференција во Собранието.