Фатен крадец од Скопје, украл пари од туѓ автомобил

Полициски службеници од ЕВР Гази Баба го лишиле од слобода М.И.(36) од Скопје, за постоење основи на сомнение дека околу 16 часот на улица „Методија Андонов Ченто“ одзел пари од возило „Ауди“.

-Возилото е во сопственост на В.З.(45) од Скопје. Одземените пари биле пронајдени и ќе бидат вратени на сопственикот, информира Министерството за внатрешни работи.

М.И. е приведен, а по целосно документирање на случајот МВР против него ќе поднесе соодветна пријава.