Швајцарецот Роџер Федерер и Американката Серена Вилијамс ги нема на списокот со учесници на овогодинешното издание на тенискиот Гренд слем турнир Вимблдон.
Организаторите на Отвореното првенство на Британија ги објавија списоците за трката која стартува на 27 јуни, а не присуствуваат ниту осумкратниот машки победник Федерер, ниту седумкратниот женски шампион Вилијамс. Сè уште сепак, можат да добијат вајлд-карта.
40-годишниот Швајцарец нема играно на турнир на Здружението на професионални тенисери (АТП) по минатогодишниот пораз во четвртфиналето на Вимблдон. Во април, Роџер Федерер на социјалните мрежи објави дека неговото опоравување од операцијата на коленото на која беше подложено оди добро.
Серена Вилијамс, чија сестра Венус, исто така, не е на спиското кај дамите, не се натпреварувала во натпреварувањето на Професионалната тениска асоцијација (ВТА) од претходното издание на Вимблдон кога се повлече поради повреда.
Вториот во машката ранг-листа, Даниил Медведев пак го пропушта турнирот поради забраната за учество на спортисти од Русија и Белорусија.
Сепак, на списокот на учесници е поранешната лидерка во женската ранг-листа Наоми Осака од Јапонија, која неодамна изјави дека не е сигурна дека ќе отпатува за Лондон, разочарана што на годинашниот турнир нема да и бидат доделени бодови за ВТА.