Поминаа нешто повеќе од три години (5.05.2018) откако легендарниот тренер Сер Алекс Фергусон преживеа мозочен удар. Ретко зборува за тоа, но реши да се сети на животната драма низ која помина на 76-годишна возраст.
Во моментов се подготвува документарец, кој во првиот кадар носи квиз во кој учествуваат Алекс Фергусон и неговиот син.
„Квиз?“, праша Џејсон.
„Тестирај ја мојата меморија“, рече Фергусон.
Фергусон потврди дека се сеќава на името на улицата во која е роден, како и датумот на венчавката, па дури и самоуверено одговори кој го постигна првиот гол кога пристигна на клупата на Јунајтед.
„Џон Сивебек“, рече тој одлучно при сеќавањето на данскиот дефанзивец кој победи против КПР на 22 ноември 1986 година.
Зборуваше и непогрешливо кога се родија неговите синови, но тогаш се појави на виделина приказната за настанот од пред три години.
„Што се сеќавате на 5 мај 2018 година?“, го праша Џејсон својот татко.
„Ништо“, одговара Фергусон.
Имал комплицирана операција на мозокот, по што имал застрашувачко чувство дека повеќе нема да може да зборува.
Фергусон за „Гардијан“ раскажа за неговата состојба по тешката операција, а неговиот син Џејсон беше цело време со него. Фергусон беше привремено во индуцирана кома, а лекарите му дадоа само 20 проценти шанса да се врати од мечот на животот како победник.
„Тоа беше голема грижа за мене. Тоа се случи по операцијата кога го изгубив гласот. Тоа беше најстрашниот дел. Знаев дека сум жив, но си помислив: Дали ми ја кажуваат вистината? Операцијата беше успешна, но вие сте осамени во оваа приказна. Страшно е. Кога го изгубив гласот, мислев дека никогаш не сум помислил дека вакво нешто ќе ми се случи – рече Фергусон за „Гардијан“.
Фергусон истакнува дека неговата прва мисла по будењето е дали му се сочувала меморијата сеќавањето. Тој не можел да зборува во првите десет дена.
„Се надевав дека меморијата не е нарушена, дека не заборавив сè. Логопедот доаѓаше секој ден и беше феноменален. Тој ме замоли да ги напишам сите имиња од моето семејство и моите играчи. Потоа започна со животни, риби и птици за да види дали можат да ги запомнат нивните имиња. Малку по малку, мојот глас се врати. Но, најважно беше дека мојата меморија е добра. Ме натера да пишувам писма. И напишав писмо на сопругата Кети, тоа беше чкртаници“.
За време на рехабилитацијата, тој морал да се откаже од големо задоволство.
„Девет месеци немам испиено чаша вино. Па, тоа беше тешко“, воздивна Фергусон.
Легендата и натаму е најуспешен тренер во Премиер лигата со 13 титули (првите следни ривали имаат по три), а во неговата ера „црвените ѓаволи“ станаа најтрофејниот клуб во Англија.
Во текот на целата своја кариера, тој освои 38 трофеи со Јунајтед, вклучувајќи две европски титули, пет ФА купови и многу други трофеи. Тој освои сè што можеше да се освои во фудбалот во текот на 26 години на клупата на „црвените ѓаволи“, што ја напушти во 2013 година, кога се пензионираше.
Синот на легендарниот тренер исто така сподели како го преживеал моментот кога Фергусон морал да биде опериран. Хирурзите беа искрени.
„Погледнете. Тој има 76 години и има огромно крварење во мозокот. Едноставно подгответе се за најлошото “, рекол хирургот.