Капитенот на Манчестер Јунајтед, Бруно Фернандеш, ја отфрли официјалната понуда од саудискиот клуб Ал Хилал, ставајќи крај на шпекулациите за можен трансфер на Блискиот Исток ова лето.
Според познатиот фудбалски инсајдер Фабрицио Романо, португалскиот играч од средниот ред одбил „неверојатна“ финансиска понуда од Саудиска Арабија бидејќи сака да продолжи да игра во европската елита.
Иако точниот износ на понудениот договор не е откриен, извори блиски до преговорите тврдат дека станува збор за една од најбогатите понуди во историјата на фудбалот, што би го направило Фернандес еден од најплатените играчи во светот. Сепак, 29-годишниот Португалец останува доследен на својот спортски приоритет – натпреварување на највисоко ниво.
Фернандес јасно стави до знаење дека неговата цел е да продолжи да игра во Лигата на шампионите, да учествува во најголемите европски натпреварувања и да остане клучен дел од репрезентацијата на Португалија пред Светското првенство во 2026 година.
Неговата одлука доаѓа во време кога Манчестер Јунајтед е во период на сериозна транзиција. Клубот ја заврши сезоната далеку под очекувањата, а иднината на менаџерот Ерик тен Хаг е под знак прашалник. И покрај неизвесноста во клубот, Фернандеш ја покажа својата лојалност кон дресот што го носи од 2020 година.