Фич Рејтингс објави дека го подобри долгорочниот кредитен рејтинг на Грција од БББ-минус на БББ, наведувајќи го забрзаното намалување на јавниот долг, силните фискални перформанси и стабилниот економски раст.
Според проценките, Грција е на добар пат да го намали односот јавен долг-БДП за речиси 20 проценти во 2024-2025 година. Се очекува нивото на долг да биде околу 120 проценти од БДП до 2030 година, објави грчката новинска агенција АМНА, пренесе SEEbiz.
Фич забележа дека Грција бележи стабилен економски раст од околу четири проценти, примарен буџетски суфицит и парични резерви доволни за покривање на финансиските потреби во наредните години.
Клучни фактори за напредокот беа подобрената наплата на даноци, строгата контрола на расходите и континуираните буџетски суфицити, кои ја надминуваат средната вредност на земјите со рејтинг БББ.