Словачкиот премиер Роберт Фицо, кој вети дека ќе ја замрзне воената помош од Словачка за соседна Украина, денеска изјави дека нема намера да го попречува извозот на оружје од приватни компании за Киев.
Словачка, членка на НАТО, произведува артилериска муниција, како и тешка воена опрема како хаубици, од кои некои се испратени во Украина.
Во својата кампања за изборите на 30 септември, на кои победи неговата партија „Смер – Социјална демократија“, Фицо ја критикуваше западната поддршка за Киев, санкциите против Русија и надворешната политика на САД.
Фицо денеска повторно нагласи дека земјата ќе ги прекине сите испораки од армиските магацини за да и помогне на Украина во нејзината борба против руската агресија, но прецизираше дека приватните бизниси нема да бидат засегнати од мерките.