Филипче: Лицата сместени во државен карантин се прегледани и немаат коронавирус

Министерот за здравство Венко Филипче објасни за условите во карантинот за граѓаните кои доаѓаат од странство.

– Условите во кои се сместени лицата се добри, прегледани се сите тие пациенти, досега нема ниту еден заболен од КОВИД-19. Има неколку заболени од обична настинка, и се негативни, и тие се во карантинот, изолирани од други. Тие се целосно здрави луѓе кои мора да поминат 14 дена во самоизолација, рече Филипче.