Филипче нема закани по живот, но ќе има државно обезбедување

Поранешниот министер за здравство, Венко Филипче ќе има лично обезбедување, потврдија од министерството за внатрешни работи.

Од Министерството за внатрешни работи велат дека обезбедувањето не е дадено по барање на Филипче, туку дека е засновано на законски одредби за обезбедување на личности и објекти врз база на безбедносни проценки.

„Врз основа на тоа се определени мерки и активности“, велат од МВР.

Самиот Филипче изјави дека немал закани и дека се работи за проценка на надлежните органи.

„Не е вистина дека сум имал закани по живот, ниту дека сум барал обезбедување и возач. Обезбедувањето ми е продолжено според проценка на Агенцијата за национална безбедност (АНБ) на уште шест месеци“, изјавил Филипче за „Фокус“.