162
Министерот за здравство Венко Филипче денеска по пристигнувањето на кинеските вакцина „Синофарм“ рече дека очекува да бидат вакцинирани меѓу 10 и 15 илјади граѓани на ден.
„Овие вакцини кои се пакувани со шприцови со игли и спремни за апликација, ќе бидат дистрибуирани низ градовите согласно пријавените граѓани. Пунктовите се подготвени. Помеѓу 10 – 15 илјади граѓани на ден.“, истакна Филипче.
Филипче истакна дека се очекува во месец мај да дојдат над 600 илјади вакцини од кинеските производители Синовак и Синофарм.