Филипче: Тројно е зголемена потрошувачката на некои лекови кои се користат во болниците

И покрај зголемената побарувачка на одреден број на лекови, доставата на терапиите оди тековно и нема застој, сподели министерот за здравство Венко Филипче.

За некои лекови кои се користат во болниците, потрошувачката е тројно зголемена во однос на истиот период лани, но потребните колични се испорачуваат и нема недостиг од лекови. Будно ја следиме состојбата со ковид-19, бројот и приемот на пациенти.

Во моментов има доволно слободни места на интерните клиники. Доколку се јави потреба ќе се отворат дополнителни капацитети за згрижување ковид пациенти.

Во однос на кадарот, ќе бидат испратени и дополнителен број на лекари во сите ковид центри на интерните клиники.