Режисер, писател и продуцент, маркантен и уникатен филмски работник кој го промени текот на филмската индустрија во 20-тиот век и даде нов печат во современиот филмски израз е описот за америкаскиот уметник Стенли Кјубрик. Неговите филмови содржат длабоко психолошко портретирање на карактери и околностите во кои се наоѓаат и надополнуваат со сценската естетика, која е субверзивна, уникатна и надреална. Филмскиот сет дизајн на Кјубрик е метафоричен, надополнет со филмски реквизити кои ги обликуваат ликовите и ја градат магичната и апсурдна атмосфера. Импонирачката мизансцена на Кјубрик е кодирачки елемент во неговите филмови, па и од тука, делата на Кјубрик се повеќеслојни, а филмските критичари имаат напорна работа во разбирањето на семиотичкиот импакт.
Филмот „2001: Одисеја во вселената“ е коплексен филмски наратив, премиерно прикажан во 1968-та година. Одтогаш, Кјубрик воведува нова филмска естетика која буди силен емоцијонален нагон.