131
Крилото на Фиорентина, Франк Рибери, ќе биде аут од терените најмалку еден месец, откри тренерот на „виолетовите“, Џузепе Јакини.
Поранешниот играч на Баерн Минхен е во амбуланта од ноември кога претрпе тешка повреда на глуждот за време на натпреварот со Лече.
Проблемот бара операција и Јакини нема да брза со враќањето на Французинот во игра.
„Неговото враќање ќе потрае малку подолго од очекуваното. Рибери за Фиорентина е она што Златан Ибрахимовиќ е за Милан. Рибери е важен за нашиот тим на и надвор од теренот. Тој нема да биде достапен уште еден месец или 40 дена. Нема да брзаме. Мора да се осигураме дека е целосно обновен“, рече Јакини на прес-конференција.