Светскиот боксерски шампион во ВБЦ, Тајсон Фјури, најави дека ќе се врати во рингот против својот сонародник Британецот Ентони Џошуа во натпревар со можност за бесплатно гледање и слободно присуство.
Фјури во јуни изјави дека завршил со боксот, но потоа се предомислил и рекол дека веднаш ќе потпише договор за борба со Ентони доколку се прифатат неговите услови.
„Натпреварот треба да се гледа без пари“, напиша Фјури во објавата на Инстаграм.
„Да се гледа бесплатно на ТВ и сите билети да бидат бесплатни. Не треба да се заработуваат пари од овој британски историски меч“, додаде шампионот.
Тој најави дека тоа се неговите услови, кои или мора да се прифатат или нема да учествува.
Фјури го нокаутираше Британецот Дилијан Вајт во април за да ја одбрани титулата, а потоа им најави на своите фанови дека ќе го исполни ветувањето на сопругата и ќе се повлече од спортот.
Сепак, во јуни рече дека повторно ќе се бори за 500 милиони фунти.
Џошуа ги загуби титулите ВБА, ИБФ и ИБО по поразот од Украинецот Олександр Усик во Лондон во септември, а реваншот меѓу двајцата требаше да се одржи во Џеда, Саудиска Арабија, на 20 август.