Во хотелот „Еспланаде“ во Загреб се одржа презентацијата на книгата „Суден ден“. Станува збор за криминалистички роман инспириран од вистински случај напишан од Петар Чеферин, познат словенечки адвокат за кривично право и човекови права и истражувачкиот новинар Васје Јагер.
На промоцијата присуствуваа бројни познати личности од сите сфери на јавниот живот, а меѓу нив беше и музичката дива Нина Бадриќ.
Убавата Нина за оваа пригода облече фустан кој веднаш ве лансира во центарот на вниманието. Имено, таа избра миди модел на брендот Self-Portrait во прекрасна розова нијанса, која благодарение на популарноста на филмот „Барби“ и оваа година е меѓу најбараните бои.
На љубителите на добри потпетици сигурно им падна во очи нејзиниот модел кој го фрла дури и прекрасниот фустан во втор план. Имено, Нина носеше сандали со потписот на брендот Jimmy Choo. Речиси и да нема светска ѕвезда која во својот гардеробер нема пар штикли од овој бренд.
Моделот со металик финиш (или текстура на течен метал, како што брендот го опишува овој тип на финиш) е совршен за свечени прилики. Ќе ги разиграат едноставните и неутрални парчиња облека или ќе ги направат ефектните уште повпечатливи, како што направи Нина комбинирајќи доминантен фустан со овие познати потпетици.