Шерон Стоун на Инстаграм откри дека во 90-тите сакала да сними филм за Барби со одобрение на директорот на Мател, но била исмејувана од студиските продуценти на кои им го претставила филмот, пренесува Variety.
„Ми се смееја во студиото кога дојдов до идеја да снимам филм за Барби во 90-тите, со поддршка од директорот на компанијата Барби“, напиша Стоун во коментарите под објавата на Америка Ферера. “Колку далеку стигнавме! Ви благодариме, дами, за вашата храброст и издржливост.”
Стоун не е единствената која немала успех со продукцијата на филмот за Барби. Пред Гервиг и Маргот Роби да ја продадат својата верзија на филмот на Ворнер Брос, Ејми Шумер и Ен Хатавеј требаше да работат на филм за Барби со Sony Pictures.
Шумер беше првиот избор за улогата на најпознатата кукла на Мател, но минатата година откри дека се откажала од проектот поради креативни разлики. Таа исто така додаде дека филмот на Гервиг изгледа „многу феминистички и кул“, за разлика од филмот во кој таа требаше да глуми.
Откако Шумер го одби проектот, улогата на Барби и беше доделена на Хатавеј. Филмот требаше да го режира австралиската режисерка Алетеа Џонс, која работеше на комедијата Fun Mom Dinner. Изворите ја споредија верзијата на Џонс на Барби со хит филмовите Splash, Enchanted и Big.
Иако тој филм никогаш не бил снимен, Хатавеј за време на неодамнешниот подкаст откри дека не се кае за тоа.
„Она што е толку возбудливо е што Грета, Маргот и целиот овој феноменален тим ја погодија целта“, рече Хатавеј.
„Тие ја погодија целта и тоа го доведе целиот свет на ова ниво на екстаза. Сега замислете ја таа верзија… толку многу енергија, толку многу исчекување, толку многу емоции… Но, тоа не е вистинската верзија. Мислам дека е добра работа што тој филм не беше направен“.