Stranger Things е веројатно најголемата оригинална франшиза на „Netflix“, па не е изненадување што ѕвездите на серијата заработуваат неверојатни суми за последната сезона.
Во првата сезона, децата ѕвезди заработуваа приближно 23.400 евра по епизода, а постарите нешто повеќе. На пример, Дејвид Харбор добивал 74.500 евра по епизода, а Винона Рајдер дури 93.000.
Серијата стана хит и до третата сезона платите на децата речиси се изедначија со оние што ги добиваа возрасните актери. Повеќето од нив заработиле 233.000 евра по епизода, додека хонорарот на Мили Боби Браун бил 280.000 евра по епизода. Харбор и Рајдер заработија по 326.000 евра по епизода.
Сепак, актерите ќе заработат вртоглави суми во последната сезона. Според „The Puck“, Џо Кири, Наталија Даер, Чарли Хитон и Маја Хоук наводно ќе имаат нешто помала плата од 5.600.000 евра. Највисоки потврдени плати добија Дејвид Харбор и Винона Рајдер, кои за улогите во последната сезона од серијата на Netflix ќе заработат 6.625.294 евра.
Платата на Мили Боби Браун останува непозната бидејќи таа потпиша посебен договор со Netflix во кој се вклучени и „Енола Холмс“ и „Дамсел“.
Петтата сезона на серијата Stranger Things би требало да излезе во 2025 година или почетокот на 2026 година.