Во тајна импровизирана воена база, незабележливо комбе и пикап влечат два сиви предмети поставени на приколки. Ова е една од најдобро чуваните тајни на Украина, а се однесува на ново моќно оружје, кое веќе е подготвено за напад. Американскиот CNN доби ексклузивен пристап до базата каде што се тестираат новите украински подводни дронови, кои се закануваат да го свртат бранот на битката меѓу Киев и Москва.
Овие поморски беспилотни пловила, кои никогаш претходно не им биле прикажани на новинарите, им овозможуваат на Украинците да ги напаѓаат и надгледуваат Русите во Црното Море и на полуостровот Крим.
https://t.co/HD0TDuU9Fk 🌐 Click on link for details.
— Allan Foxall (@AirAcademy) July 30, 2023
Организација за собирање средства поврзана со украинската влада наречена United24 собра пари од компании и поединци ширум светот, здружувајќи ги средствата за да ги дистрибуира до различни програмери и иницијативи, од одбрана до фудбалски натпревари.
Програмерот на дроновите, кој побарал да остане анонимен, навел дека нивната работа на поморските дронови започнала дури кога започнала војната.
„Тоа беше многу важно, бидејќи немавме многу сила да се спротивставиме на поморската држава – Русија. И моравме да развиеме нешто свое, бидејќи ги немавме постоечките способности“, објаснил тој.
— SuperGirlBunny_TheChamp (@SuperGirl_Bunny) July 30, 2023