Претседателот Доналд Трамп вчера го прогласи за „Ден на ослободувањето“ и најави воведување сеопфатни царини за увоз во Соединетите Американски Држави. Економист објави насловна приказна во која неговиот „Ден на ослободувањето“ го нарече „Ден на пропаста“.
На насловната страница Трамп има пила во раката и ја сече територијата на САД на која стои.
„Доналд Трамп го објави најголемиот пресврт во американската трговска политика во повеќе од еден век и во тој процес ја направи најдлабоката, најштетната и целосно непотребната економска грешка во модерната ера“, вели „Економист“.
Трамп, да потсетиме, воведува основна царина од најмалку 10% за целиот увоз, со дополнителни повисоки стапки за одредени земји како што се 20% за производи од Европската унија, 54% за производи од Кина.
Од утрото пристигнуваат реакции од целиот свет, главно негативни. Акциите драстично паднаа веднаш по отворањето на американските берзи, а Белата куќа го повика Вол Стрит да „му верува на Трамп“.
„Не може да се избегне нередот што го предизвика Трамп, но тоа не значи дека неговото лудило е предодредено да победи“, заклучува „Економист“.
“RUINATION DAY”. https://t.co/vQiTAswZjA
— Cartelera Turia (@CTuria) April 3, 2025