Франција е на пат да усвои закон кој ќе и овозможи да го блокира безжичниот пристап до интернет од јавни места, како и пристапот до софтверот за анонимно сурфање Tor. Ова станува јасно од документите кои протекоа од Министерството за внатрешни работи на земјата, а ги објави весникот Le Monde.
Според документите, промените во законот можат да стигнат во францускиот парламент уште во јануари 2016 година.
Станува збор за два предлози, првиот со кој ќе се блокира бесплатниот Wi-Fi пристап во вонредни ситуации, а другиот е за целосна забрана на софтверот за анонимно сурфање Tor, кој инаку овозможува анонимна комуникација во мрежата.
И во двата случаи објаснувањето е дека силите на редот имаат тешкотии при следењето на опасни лица кои користат јавен безжичен интернет и Tor. Новите нацрт закони се резултат на терористичките напади во Париз, во кои загинаа над 130 лица.
Што се однесува до Tor, сеуште не е јасно дали мерките предвидуваат целосно блокирање на мрежата.
Документите не прецизираат како владата планира да ја воведе забрана на Tor, иако Кина ја блокираше мрежата уште во 2012 година. Иран и Русија исто така ја таргетираа мрежата, зголемувајќи ги стравувањата меѓу активистите и лицата што пренесуваат сигнали. Разузнавачките агенции на Франција и САД повикаа услугите за пораки и мрежни оператори да обезбедат “задна врата” на органите со пристап до енкриптирани пораки по париските напади, иако технолошките компании и активистите тврдат дека слабеењето на енкрипција може да наштети на приватноста и слободата на говорот.
Неименувани извори изјавија претходно овој месец за The New York Times, дека човекот кој стои зад париски напади, Абделхамид Абаауд, можеби користел софтвер за енкрипција, за да ја организира операцијата, иако не е јасно дали убијците користеле Tor. Енкриптирана текстуална порака на телефон во близина на еден од објектите на нападот на крајот ја одведе полицијата до Абауд, кој загина во престрелка.
Мерката за блокирање на Wi-Fi конекции спаѓа во рамките на предложените измени за итни случаи. Документите добиени од Le Monde, тврдат дека јавните Wi-Fi мрежи може да бидат блокирани, бидејќи безбедносните сили тешко ги идентификуваат корисниците кои ги користат. Полицијата, исто така, нуди промени кои би дозволиле да претресува возила и багаж без судски налог и да спроведува проверки за идентитет без да обезбеди основа за тоа.
Забрана за користење на Tor преку законски средства значи дека Франција може едноставно да прогласи за нелегално луѓето да имаат пристап до Tor. Примената на овие закони сепак е тешко, бидејќи интернет провајдерите во земјата ќе треба да ги следат своите корисници за да дознаат кој користи Tor, а потоа да го пријават на полицијата. Во Велика Британија, новите антитерористички мерки, да се побара од интернет провајдерите да ја чуваат историјата за активноста на корисникот за последните 12 месеци, предизвикаа сериозен отпор.