194
Бројот на смртни случаи од коронавирусот во Франција денес се зголеми за 131, што е значително помалку од бројот на загинати претходниот ден, кој изнесуваше 483, соопшти Министерството за здравство.
Со 28.239 смртни случаи, Франција е четврта најпогодена земја во светот по Соединетите држави, Велика Британија и Италија.
Во изјавата на француското Министерство за здравство се вели дека бројот на пациенти во единиците за интензивна нега се намалил за 4,3 проценти на 1.998, објави Ројтерс.
Ова е прв пат од 22 март бројот на пациенти во единиците за интензивна нега да биде под 2.000.
Во исто време, бројот на лица во болниците е 19.015, што е благ пад во однос на вчерашниот ден, кога беше 19.361.