Истражувањето е спроведено во рамките на групата за научни интереси Епи-Фаре, која ја обединува Агенцијата за лекови и здравствено осигурување
Вакцината за ковид-19 Pfizer / BioNTech не го зголемува ризикот од сериозни кардиоваскуларни проблеми (срцев удар, мозочен удар, белодробна емболија) кај луѓе постари од 75 години, според официјалното француско истражување објавено неодамна.
Резултатите од оваа студија „сугерираат дека вакцинацијата со вакцината Pfizer / BioNTech не е поврзана со зголемен ризик од сериозни кардиоваскуларни проблеми кај луѓе на возраст од 75 години или постари“, или по првата или втората доза, заклучуваат авторите.
Истражувањето е спроведено како дел од групата за научни интереси Епи-Фаре, која ги обединува Агенцијата за лекови (АНСМ) и Здравствено осигурување (Кнам).
Студијата ги зеде предвид сите случаи на хоспитализација пријавени во Франција поради срцев удар, мозочен удар и белодробна емболија помеѓу декември 2020 година и март 2021 година кај пациенти на возраст од 75 години или повеќе, вакцинирани и невакцинирани. Во истражувањето биле вклучени скоро 30.000 луѓе.