Британскиот весник „Гардијан“ во четвртокот објави листа со 60 млади фудбалери од целиот свет, родени 2004 година, кои се едни од најталентираните во својата генерација. На листата се и четворица млади момчиња од регионот, родени во Босна и Херцеговина, Хрватска, Србија и Северна Македонија.
Еден од нив е крилниот напаѓач Дашмир Елези, играч на Шкендија од Тетово, роден на 21 ноември 2004 година.
„Тој го носи дресот со број 9, но е посоодветен за игра по крилата, бидејќи може да игра речиси подеднакво добро со двете нозе, или можеби во улогата на втор напаѓач. Брз, агилен, интелигентен и без топка и привлечен за гледање, Елези има врвна техника и е смртоносен во транзицијата на нападот кога ќе истрча длабоко од својата половина “, наведува британскиот медиум.
„Гардијан“ наведува дека дебитирал за сениорите на Шкендија на 16 години и еден ден и веднаш се запишал во листата на стрелци.
Оттогаш, тој одиграл 30 натпревари и постигна седум голови,а сигурно има уште простор за подобрување и развој.