Двете земји на меѓународен план имаат исти цели и интереси, а тоа е да станеме членки на ЕУ. Да соработуваме уште повеќе во областа на одбраната и да ја продлабочиме регионалната соработа. Тоа е можно имајќи предвид дека нашите општества се повеќе созреваат и има повеќе политичка волја и простор за интензивирање на соработката, изјави спикерот Африм Гаши на средбата со неговата албанска колешка, Елиса Спиропали.
Според Гаши, на заедничката средба искажале очекување и надеж дека Македонија и Албанија заеднички ќе го продолжат својот пат кон европската интеграција.
-Тоа е важно и за останатите земји од регионот, бидејќи заедничка ни е посветеноста за сеопфатен развој на Западен Балкан. Укажавме дека проширувањето е една најдобрите политики на Унијата и од долгорочна инвестиција за цела Европа. Тоа е добар механизам за напредок и награди, што не мотивира како земји да ги спроведуваме бараните реформи, кажа меѓу другото претседателот на Собранието.
По изјавите во зградата на Собранието, немаше можност за поставување на новинарски прашања.