Претседателот на Собранието, Африм Гаши изјавил дека од 1 април стапува на сила едношалтерскиот систем на граничниот премин меѓу Македонија и Косово, пренесува приштинска „Економија онлајн“.
Тој посочил дека техничките подготовки се во завршна фаза, а веќе се регулирани политичките и административните аспекти.
„Опремата и софтверот се тестираат. Политички и административно се е во ред“, порачал Гаши.
Спикерот на македонското Собрание изјавил дека ова е слична транзиција како на премините на патот Приштина-Тирана кај местото Врбница.
Тоа значи дека ако одите од Скопје кон Приштина, контролите ќе бидат кај Генерал Јанковиќ, а во спротивна насока кај Блаце.
„Податоците ќе бидат споделени меѓу двете полиции и тоа во голема мера ќе ја забрза циркулацијата“, рече Гаши за време на работната посета на Приштина.