Цревата се дом на милијарди микроби кои го помагаат варењето, го поддржуваат имунолошкиот систем и ги разградуваат хранливите материи што му се потребни на нашето тело. Грижата за овие микроби започнува со првиот оброк наутро, а гастроентеролозите истакнуваат дека малите промени во рутината може значително да го подобрат здравјето на цревата.
„Појадокот е можност да му обезбедите на вашето тело енергија за да го започне денот и да го спречите чувството на глад веднаш по јадење“, вели гастроентерологот д-р. Џозеф Џенингс за „Parade“. Примери за балансирани оброци вклучуваат грчки јогурт со бадеми, бобинки и мед, или овесна каша со чиа и ленено семе и путер од бадем.
„Овие оброци даваат краткорочна енергија, протеини и растителни влакна кои ќе ве одржат подолго време посити“, додава тој.
Покрај појадокот, гастроентерологот Др. Аниш Шет исто така ја истакнува утринската навика што ја практикува редовно за добро здравје на цревата.
„Утринската дехидрација е честа појава, што се гледа од потемната боја на урината. Затоа, започнете го денот со чаша вода и продолжете да пиете во текот на денот“, сподели тој.
„Водата може да ја зголеми разновидноста на цревните бактерии, што е поврзано со подобро здравје на цревата“, додава д-р. Џенингс.
Редовната физичка активност е исто така клучна за здравјето на цревата.
„Прошетката после појадокот може да го стимулира варењето и движењето на дебелото црево“, објаснува. Според студија од 2023 година, умерената до интензивна физичка активност има позитивен ефект врз цревната микробиота, го подобрува имунитетот и го зголемува нивото на енергија.