Во Марсеј денеска се собраа на кризен состанок по поразот од Лион, пренесуваат француските медиуми. Тимот нема победа од почетокот на годината, испадна од Купот на Франција и се оддалечува од местата кои даваат право на настап на европските турнири. На состанокот беа претседателот на клубот Пабло Лонгорија, управата, тренерот Џенаро Гатузо и играчите.
„Минатата сезона ми кажаа дека Игор Тудор е премногу строг, потоа слушнав дека Марселињо не бил доволно строг. Не можеме да продолжиме да бараме изговори, но мораме да реагираме пред да биде доцна и сезоната да биде неуспешна“, изјави Лонгорија, кој исто така ги призна грешките.
Гатузо, исто така, повика на акција, како и искреност од играчите, велејќи: „Ако јас сум проблемот, кажете ми“.
Според „Радио Монте Карло“, играчите се задоволни од работата со Гатузо, иако нивниот настап на теренот не ги надмина очекувањата.