434
Фудбалерите на Интер го совладаа Наполи на домашен терен во 37. коло од Серија А со резултат 2:0, а тренерот на Наполи, Џенаро Гатузо, ја прокоментира играта на неговиот тим на интересен начин.
Тимот на Гатузо е на седмото место на табелата во Серија „А“ со 59 бода.
„Проблемот е во тоа што играњето технички добро не е доволно во денешниот фудбал. Она што не ми се допаѓа во врска со мојот тим во последно време е тоа што моите напаѓачи мислат дека се дефанзивци, дефанзивците мислат дека се напаѓачи, а играчите од средниот ред мислат дека се и едно и друго“, објасни Гатузо.
Наполи го пречекува Лацио на крајот од сезоната во Италија.