Тренерот на Наполи, Џенаро Гатузо најверојатно ќе се раздели од својот клуб ова лето, пишува италијански „Скај Спорт“.
Гатузо, наводно, е во спор со претседателот на Наполи, Аурелио Де Лаурентис, бидејќи тој отворено изрази незадоволство од начинот на управување на клубот.
Поради тоа, „Скај Спорт“ пишува дека разделбата е неизбежна во јуни, особено имајќи го предвид избувливиот карактер на Де Лаурентис.
Наполи не постигна добри резултати оваа сезона, барем досега, затоа што клубот од стадионот „Диего Армандо Марадона“ не успева да остане во чекор со водечкиот Милан во Серија А.
Клубот моментално е петти во Серија А и е на девет бода од врвот на табелата, така што притисокот врз Гатузо е зголемен.
Покрај тоа, имаше гласини за враќање на Рафаел Бенитез, кој неодамна беше ослободен од должноста во кинески Далијан.
Во врска со преговорите за новиот договор, Гатузо рече дека досега коректно ги одбил сите предлози што претседателот му ги испратил.