Милјардерот филантроп Бил Гејтс (65) ја прими втората доза на вакцина против корона, но тој рече дека, иако бил вакциниран, ќе продолжи да ги почитува епидемиолошките мерки како што е носењето маска.
„Сакам да бидам пример за другите“, рече Гејтс во интервју за апликацијата „Клубхаус“. „И покрај тоа што сте биле вакцинирани, сепак можете да ја пренесете инфекцијата“, додаде тој.
Центарот за контрола на болести на САД соопшти дека дури и оние кои биле вакцинирани против короната треба да продолжат да ги почитуваат епидемиолошките мерки. Иако и вакцините Модерна и Фајзер, кои се користат во САД, се ефикасни во спречување на тешки форми на болести и смрт од Ковид-19, сепак не е познато со сигурност дали целосно го спречуваат пренесувањето на инфекцијата.
„Нема да престанам да носам маска, ниту ќе престанам да внимавам, особено во близина на постари луѓе кои сè уште не биле вакцинирани“, рече Гејтс, а пренесе CNBC.
One of the benefits of being 65 is that I’m eligible for the COVID-19 vaccine. I got my first dose this week, and I feel great. Thank you to all of the scientists, trial participants, regulators, and frontline healthcare workers who got us to this point. pic.twitter.com/67SIfrG1Yd
— Bill Gates (@BillGates) January 22, 2021
Гејтс за враќањето во нормала
„Многумина се прашуваат кога ќе се вратиме во нормала, или барем да ги укинеме мерките како што се носење маска и физичко растојание. Само на крајот на пролетта или летото можеме да размислиме за значителна промена во однесувањето, ако бројките се добри“, рече Гејтс и додаде дека има намера да продолжи да носи заштитна маска и за време на есента, сè додека стапката на заразените значително не падне. На крајот на краиштата, додаде тој, „тоа не е страшна работа“.
Главниот американски епидемиолог, д-р Ентони Фаучи, рече дека постои можност Американците да мора да носат маски до 2022 година и дека тоа ќе зависи од тоа како и колку брзо вирусот циркулира во заедницата.