Генералштабот на Украина: Бахмут се уште е епицентарот на борбите

Генералштабот на вооружените сили на Украина утринава соопшти дека градот Бахмут, на истокот на земјата, останува епицентарот на борбите со руските сили.

Се наведува дека продолжуваат жестоките борби за самиот град Бахмут, пренесува „Интерфакс Украина“.

Главните напори на руските сили се концентрирани на изведување офанзивни операции во правец на Бахмут, Авдијевка и Маринка, соопшти Генералштабот на украинската армија.