Поранешниот премиер и актуелен лидер на ВМРО-Народна, Љубчо Георгиевски продолжува да ја бранува јавноста со контроверзни ставови, поврзани со, како што вели, српската пропаганда во Македонија. Тој денеска објасни, како што објави, за „српскиот шовинизам кон Македонија“.
-Многу пријатели прашуваат зошто објавувам само србски шовинизм за Македонија и Македонците. Затоа што него не можете да го видите и чуето на на македонските телевизии и портали. Ни кога во Зебрејнак,Штип,Битола,Кајмакчалан нивни министри не нарекуваат Срби и Јужна Србија. И сите македонски патриоти колективно молчат, стои во објавата на Георгиевски на социјалните мрежи.
Неодамна Георгиевски во објава на неговиот Фејсбук профил им го „честиташе“ празникот Свети Сава на „Србите кои се доселиле во Македонија и го нашле својот дом тука“ и на сите Србо-Македонци, кои според него, самите се викаат така.
Тој во повеќе наврати објави статуси на својот Фејсбук профил дека со новата Влада, „Македонија работи под српски диктат“ и обвинува за „српски свет“.