1,2K
Поради можноста од појава на интензивни поројни врнежи во текот на попладневните и вечерните часови, кои на места се очекува да бидат проследени со невреме, ги предупредуваме граѓаните на внимателно движење, соопштија од Општина Центар.
Членовите на Штабот за заштита и спасување се во комуникација и координација.
Општинските служби ја следат состојбата и спремни се да одговорат со сите расположливи ресурси на терен, велат оттаму.
„Упатувам апел до граѓаните да бидат претпазливи и да внимаваат во периоди на поројни дождови. Избегнувајте движење надвор додека трае невремето, затворете ги прозорците и доколку во вашиот објект протекува, соодветно обезбедете го“, додаде градоначалникот Горан Герасимовски.