882
Градоначалникот на општина Центар, Горан Герасимовски денеска информира дека е збогатено зеленилото на улицата „Орце Николов“ со нови 1008 садници.
-Станува збор за нискостеблести и грмушести растенија кои денеска и во следните денови ќе бидат засадени долж целата улица. Oвие садници освен декоративната улога ќе придонесат за заштитата на животната средина и прочистувањето на воздухот. Ние ветивме дека општина Центар ќе стане зелена општина и почнуваме веднаш. Имаме зелена програма која ќе го разубави Центар со нови паркови и нови зелени површини, објави Герасимовски.
Според објавеното, градоначалникот лично учествувал во садењето на садниците.