Најмалку 31 германски полицец се повредени во синоќешните протести во Хајденау, во судири за време на десничарски протест против азилантите, јавуваат германските медиуми.
Демонстрациите на противниците на отворањето на Центарот за бегалци во градот Хајденау, Германија направија вистинска битка меѓу демонстрантите и силите на полицијата, соопшти “Ди Велт”.
Акцијата била организирана од екстремно десничарската Национал-демократска партија на Германија и во неа учествувале околу 1.000 лица, вклучувајќи млади жени со детски колички.Според очевидец, демонстрантите пееле нацистички химни. Причина за протестот се случила со одлуката на општината да прифати привремено бегалци во зградата на затворениот пред години градежен пазар. Полицијата употреби солзавец за да го растера протестот.
Од своја страна, демонстрантите фрлаа врз силите на редот со камења, шишиња и бекатон плочки. По неколку часа на судирите , 250 бегалци сепак успеаја да влезат во зградата.