Германија ја повикува Европската комисија (ЕК) да ја набави руската вакцина против коронавирусот Спутник V на паневропско ниво, објави американскиот весник „Политико“, повикувајќи се на претставник на германската администрација.
„Побаравме од Европската комисија да иницира постапка за набавка на руската вакцина против Ковид-19- на европско ниво“, рекол претставникот на германските власти на брифингот во Берлин.
Според изданието, тој се надева дека процесот на подготовка за набавката може да започне сега, додека европскиот регулатор го разгледува барањето за дозвола за употреба на подготовката на територијата на ЕУ. Според него, Берлин би сметал дека е правилно преговорите да започнат без одлагање.
Тој исто така додаде дека ЕК сè уште не започнала преговори со Москва за можно купување руска вакцина, но тој не ја исклучи таа можност „во блиска иднина“. Во таа насока, „Политико“ пишува дека соговорникот можел да го има предвид и самитот на лидерите на државите и владите на ЕУ, што ќе се одржи во режим на видео конференција на 25 и 26 март.
Да потсетиме, германската канцеларка Ангела Меркел неодамна изјави дека е потребно да се примени руската вакцина „Спутник V“ во Европската унија и дека, доколку ЕУ не донесе одлука да ја купи, Германија тоа ќе го направи самостојно.
Претходно, водачите на три германски држави – Саксонија, Саксонија-Анхалт и Тирингија се залагаа за одобрување на „Спутник V“.
Европската агенција за лекови започна на тестирање на руската вакцина на 4 март. Извор запознат со процесот рече дека одлуката за конечно одобрување може да биде донесена во мај.