Германската влада има намера да го интензивира протерувањето на луѓето кои немаат право да останат во Германија, беше соопштено во средата по владиниот состанок во Берлин.
„Ќе се погрижиме луѓето кои немаат право да останат во Германија побрзо да ја напуштат нашата земја“, изјави министерката за внатрешни работи Ненси Фезер.
Таа рече дека протерувањето на оние кои немаат право на престој во Германија е неопходно за да можат да ги исполнат обврските кон оние на кои навистина им е потребна хуманитарна помош и заштита.
„Заострувањето на законот е неопходно за да можат да продолжат да ја исполнуваат својата одговорност кон луѓето кои бараат заштита од терор и војни, како што е случајот, на пример, со над 1,1 милион бегалци од Украина“, додаде социјалдемократскиот министер.
Целта на предлог-законот, кој допрва треба да помине во собраниска процедура, е да се намалат моменталните отежнувачки околности што стојат на патот за поефикасен процес на протерување од Германија.
Така, притворот што претходи на депортацијата би можел да трае 28 дена наместо досегашните 10. Дополнително, полицијата ќе може да бара лица на списокот за депортација во домовите за сместување бегалци и да влегува во просториите на другите жители на сместувањето, а не само тие што ги бараат..
Исто така, повеќе нема да има најава за депортација, што во минатото многумина се засолнуваа на непозната адреса пред депортацијата, а можно е да се прегледаат мобилните телефони и компјутерите за да се потврди државјанството на лицето кое треба да биде депортирано.
Депортациите често не успеваат затоа што луѓето на кои не им е даден статус на бегалец или на кои им е одбиен азил ги уништуваат нивните лични документи и одбиваат да дадат информации за нивното потекло, па властите не можат да одредат во која земја треба да бидат депортирани.
Ќе бидат отстранети и правните пречки за да се овозможи побрза депортација на луѓето кои го прекршиле законот или лицата кои се сметаат за опасни поради нивното екстремистичко потекло.
„Отстранете ја мамката на социјалните бенефиции“
Во Германија во првите шест месеци од годинава се протерани 7.861 лице, главно државјани на Северна Македонија и Грузија. Во исто време, 280.000 луѓе живеат во Германија без право на престој.
Но, огромното мнозинство од нив не можат да бидат депортирани поради различни причини, од кои најчести се немањето патни исправи или болест.
Владата најави и зголемен контакт со земјите од кои најчесто доаѓаат луѓето кои немаат шанси да добијат азил во Германија, како што се земјите од Магреб или Индија и Пакистан, како и Грузија и Молдавија.
Опозицијата бара овие земји да се прогласат за т.н безбедни земји, што би овозможило побрза процедура за одбивање азил.
Демохристијанската опозиција од Унијата ЦДУ/ЦСУ побара, заедно со зголемените мерки за депортација, да се запре „нерегулираната миграција“ кон Германија и кон надворешните граници на Европската унија.
Исто така, опозициската, десничарска популистичка Алтернатива за Германија (AfD) побара построги мерки за запирање на илегалните имигранти.
„Сè додека илегалните имигранти не се запрени на границата, туку се привлечени од социјалните бенефиции кои делуваат како магнет за мигранти, мерките како што се отстранување на пречките за побрзо депортирање се симболични“, рече AfD.
Хуманитарните организации, како и делови од владејачката партија Зелени, се против олеснување на депортацијата поради мерки кои го нарушуваат правото на приватност.
Оваа година во Германија се регистрирани над 300.000 барања за азил, а се проценува дека бројот на бегалци би можел да го достигне рекордниот број од 2015 година.