Домаќинот Германија се пласираше во четвртфиналето на ЕП 2024, откако на стадионот „Сигнал Идуна Парк“ ја елиминира Данска со 2:0.
Двата тима одиграа неверојатно прво полувреме во кое имаше чисти шанси пред двата гола, воодушевувачки одбрани на двајцата голмани Каспер Шмајхел и Мануел Нојер и 20 минути прекин во игра поради опасната бура над Дортмунд.
Нико Шлотербак рано ја испрати топката во мрежата на Данците, но голот беше поништен поради фаул на Кимих. На почетокот на вториот дел беше поништен гол на дански дефанзивец (Андерсен), овојпат поради офсајд.
Само една минута подоцна, Андерсен се покажа како виновен бидејќи направи пенал кој го реализираше Каи Хаверц. А во средината на вториот дел, Бундестимот го зададе вториот удар преку Џамал Мусијала, кој заврши со брза контра.
До крајот на мечот Германците итро го бранеа водството додека противникот не дојде до ниту една голгетерска прилика.
Така Германија во четвртфиналето го чека победникот од двојката Шпанија-Грузија.