Германија ќе обезбеди воена помош во вредност од 2,7 милијарди евра за Украина, вклучително и 30 тенкови Леопард, изјави во саботата шефот на кабинетот на украинскиот претседател.
Андреј Јермак на комуникациската платформа Телеграм рече дека Берлин ќе испрати и четири противвоздушни системи Ирис-Т, 20 пешадиски борбени возила Мардер, 200 извидувачки беспилотни летала и големо количество муниција.
Германскиот весник „Шпигел“ во саботата објави дека досега најголемиот германски воен пакет помош ќе вклучува 15 противвоздушни тенкови „Гепард“ и повеќе од 200 оклопни и логистички возила.
Портпаролот на германското Министерство за одбрана одби да коментира.
Украина побара од своите сојузници оружје, авиони и муниција со долг дострел пред контраофанзивата што се очекува во наредните недели или месеци.
Германија првично не сакаше да испрати тешко оружје во Украина за да и помогне да се соочи со руската инвазија, плашејќи се дека тоа може да придонесе за ескалација на конфликтот.
Но, Берлин во јануари се согласи да ги испрати своите тенкови „Леопард“ и рече дека ќе работи со сојузниците за да испрати повеќе.