Експертите во Германија ја анализираат комплексноста на ставот на Европската унија во врска со белоруската криза, потенцирајќи дека ЕУ не смее да падне во украинската стапица по вторпат.
На вонредниот самит пред неколку дена, лидерите на Европската унија, како ретко претходно, покажаа единство во надворешната политика, навремено најавувајќи дека не ги признаваат резултатите од изборите во Белорусија, повикувајќи на национален дијалог без надворешна интервенција. Германските медиуми, од друга страна, сè уште дебатираат за тоа што треба да направи ЕУ во врска со Белорусија, но и самата Германија, која моментно претседава со Советот на ЕУ.
На порталот „Tagesschau“ на германскиот јавен сервис беше објавен коментар дека вонредниот самит на лидерите на ЕУ е добар, бидејќи ЕУ не му дала на Путин изговор за воена интервенција во Белорусија.
„Европејците се спротивставија на искушението да им покажат сила на владетелите во Моксва и Минск и, наместо тоа, испратија јасна порака до белорускиот народ. Пораката е: Европските лидери стојат обединети на страната на мирни демонстранти и го осудуваат бруталното насилство на безбедносните сили … Ова се сега, се разбира, само зборови. Но, секој што смета дека тоа е сторено со половина срце, ќе мора да каже која алтернатива треба да биде“, изјавил коментаторката на германскиот јавен медиумски сервис.
Според весникот „Франкфуртер Алгемајне Цајтунг“, ЕУ навистина има шанса да помогне во мирна промена на власта.
„Појдовна точка за ЕУ е дека од гледна точка на Кремљ, постојат само лоши опции. Кремљ мора да тежи што ќе доведе до поголема опасност и трошоци: задржување на Лукашенко на власт или овозможување успешна револуција во земјата што е нејзин најблизок сојузник. ЕУ секако има влијание врз оваа проценка, не само со испраќање на предупредувања против интервенција, туку и со изнаоѓање решение“, објавиле од „Франкфуртер Алгемајне Цајтунг“.
Според „Зидојче Цајтунг“, постои разлика помеѓу политичката симболика и политичката практика во изјавата на Брисел на лидерите на ЕУ.
„Симболично, апсолутно е точно да не се признаваат изборите, бидејќи резултатите се фалсификувани и затоа се безвредни. Од друга страна, влијанието на ЕУ врз развојот на настаните во Белорусија е практично минимално, особено затоа што претседателот Лукашенко не е подготвен да учествува во дијалогот. Единствено што може да се стори во овој момент е да ѝ даде на опозицијата морална и политичка поддршка“, пишува „Зидојче Цајтунг“ и истакнува дека е надвор од моќта на ЕУ колку долго ќе траат протестите, колку упорно Лукашенко, со руска помош, ќе го игнорира бунтот и дали Русија ќе воспостави марионетски режим во кој опозицијата нема да учествува.
„Неутралноста му помага на угнетувачот, а никогаш на жртвата“
Берлинскиот весник „Tagesspiegel“, од друга страна, ги критикува германските позиции, потенцирајќи дека „секој што – како и германската влада – е шокиран од насилството, но истовремено елегантно воздржан, ги остава белоруските борци за слобода на цедило“.
„Неутралноста му помага на угнетувачот, а никогаш на жртвата“, рече еднаш Ели Визел. Додека канадскиот министер за надворешни работи дури и јавно известуваше за неговите разговори со опозицискиот кандидат, ништо не се знае за телефонскиот разговор помеѓу неговата германска колешка Хајко Маас и Светлана Тихановскаја“, забележува „Tagesspiegel“.
Анализирајќи ги можните руски планови во борбата за моќ во Белорусија, за „Франкфуртер Рундшау“, „Лукашенко е историја“ додека „претседателот Путин ладнокрвно калкулира“.
„Ако сега го поддржи Лукашенко, Русија би можела веднаш да изгуби дел од белоруското граѓанско општество кое има симпатии кон Москва. Но, во исто време, Русија нема да дозволи друга земја од западниот раб на својата сфера на интереси да се движи кон ЕУ. Од 2014 година, Путин покажа дека не верува во вакви движења. Тој го изгласа Крим и ги поддржува сепаратистите во источна Украина, по што од земјата направија сеизмичка област, исто како што сака Кремљ“, проценува дневниот левичарски весник со седиште во Франкфурт
Конзервативниот весник „Велт“ анализира како ЕУ може да го ублажи стравот на Путин дека демократска Белорусија би можела да ги следи стапките на Украина и да излезе од руската орбита.
„Време е ЕУ да го испрати својот министер за надворешни работи, Жозеп Борел, или специјалниот пратеник. Тој човек треба да ги водите разговорите со Кремљ за да ја увери руската влада дека Европската унија ја признава геостратегиската сфера на интереси на Москва и нема да прифати демократска Белорусија во мрежата на западните сојузи, истакнува „Велт“ и дополнува дека „слободна и демократска Белорусија треба да добие статус што Финска го имаше за време на Студената војна: внатрешно ослободена, но врзана за неутралност во надворешната политика“.
Al Jazeera Balkans