Добро познатиот германски весник „Шпигел“ ги пофали Албин Курти и Виос Османи за ветувањето дека ќе се изгради владеење на правото во Косово, пренесува Kossev.
Анализата објавена во неделата од списанието Шпигел со седиште во Хамбург, наведува дека Косово нема да може да преживее без меѓународна помош. Дури и системот на владеење на правото постои само површно – а причината за тоа, според Шпигел, е „затоа што порано владееле корумпираните команданти и нивните кланови“.
„Сега тоа може да се промени: Албин Курти ја презеде функцијата премиер во Приштина на почетокот од оваа недела. Неговата влада е прва од крајот на војната во 1999 година, која ужива целосен демократски легитимитет, а не е создадена од подрумите на пазарот или поддршката на државите кои го штитат Косово“, пишува Шпигел. “.
„Ова е сигнал што не треба да се потценува во регион каде автократите владеат скоро насекаде. ЕУ треба да го види овој сигнал и да ја сфати волјата на граѓаните во Западен Балкан посериозно во иднина“, пренесува Koha.net.
Шпигел ја потсетува политичката биографија на Курти како лидер на студенти, политички затвореник во Србија и левичарски активист против политичкиот режим на Косово. ЛВВ и ЛДК освоија значително мнозинство на изборите во октомври. Според Шпигел, Курти се смета за некорумпиран.
И Вјоса Османи најавува радикален пресврт. Таа е претседател на парламентот и втор највисок функционер по шефот на државата. „Косово е кревка демократија. Немаме независно судство“, рече таа за германскиот весник.
Османи ја критикува корумпираната елита како Курти и таа сака држава управувана со закон на Косово. „Отсега со нашата држава ќе управуваат луѓе што немаат никакви проблеми со законот“, рече Вјоса Османи.
Во внатрешен аспект, Владата мора да се бори против корупцијата и непотизмот, треба да го исчисти системот на судии и обвинители недостоен за нивната функција. ЕУ мора да се навикне на самостојна влада, пишува Шпигел.
Весникот не очекува брза нормализација на односите со Србија. Курти одбива да разменува територии, вели Османи, предуслов за дијалог е признавање на Косово од страна на Косово и правно постапување со српските воени злосторства.
„Нема да има мир со Србија без правда за десетици илјади албански жртви на војната“, рече спикерот на Собранието во Косово.