Германски суд осуди сириски лекар на доживотен затвор за злосторства против човештвото

Германски суд денес го осуди сирискиот лекар Алаа Муса на доживотен затвор за злосторства против човештвото, имено за мачење затвореници во воени болници за време на владеењето на поранешниот сириски претседател Башар ал-Асад.

Муса е обвинет за мачење затвореници во воени болници за време на сириската граѓанска војна, објави The Guardian.

Злосторствата извршени од Алаа Муса (40) за време на сириската граѓанска војна беа „дел од бруталната реакција на диктаторскиот, неправеден режим на Асад“, рече претседателот на Вишиот регионален суд во Франкфурт, Кристоф Колер.