Репрезентацијата на Шпанија со победите над Хрватска (3:0) и Италија (1:0) го обезбеди првото место во групата Б и пласман во осминафиналето на Европското првенство. Еден од клучните играчи на овие натпревари беше 16-годишниот Ламин Јамал, кој на двата меча беше во стартниот тим. Сепак, неговото учество на следниот натпревар против Албанија е под знак прашалник поради германските закони кои ја регулираат ноќната работа за помлади од 18 години.
Според германскиот закон, лицата помлади од 18 години, без разлика дали се германски или странски, не смеат да работат по 20 часот. Исклучок за спортистите им дозволува да бидат активни до 23 часот, но под услов дотогаш да ги завршат сите спортски и медиумски обврски.
Натпреварот Шпанија против Албанија, како и натпреварот Хрватска против Италија, започнува во 21 часот, што значи дека Јамал би го прекршил законот доколку го одигра целиот натпревар.
За овој проблем пишуваат шпанските и германските медиуми кои потсетуваат дека во законот има исклучоци поврзани со спортот. Сепак, и со тие исклучоци, ситуацијата е комплицирана за Јамал.
На претходните натпревари Јамал одигра 86 минути против Хрватска и 71 минута против Италија, што јасно покажува колку е важен за тимот.
И покрај овие правни предизвици, медиумите се согласуваат дека Шпанија најверојатно нема да биде казнета, бидејќи најверојатно ќе најде начин да го избегне прекршувањето на законот. Казната за прекршокот е 30.000 евра.