Германија се подготвува да започне вакцинација против коронавирус пред крајот на годината, пишува „Билд“.
Министерството за здравство планира да формира 60 специјални центри за вакцинација и побара од 16 сојузни држави да достават можни адреси на тие центри до 10 ноември, пишува „Билд“, без да ги наведува своите извори.
На видео-конференција претходно оваа недела, министерот за здравство Јенс Шпан – кој самиот беше позитивен на коронавирус во средата – изјави дека германскиот BioNTech е близу до добивање одобрение за својата вакцина.
На прашањето кога ја очекува првата вакцинација, Шпан одговори: „Тоа може да се случи до крајот на годината“, велат учесниците на таа видео-конференција за „Билд“.
BioNTech ја развива вакцината во партнерство со Pfizer.
Минатиот месец, Германија пренасочи 745 милиони до до биотехнолошките компании BioNTech и CureVac за да ја забрза работата со вакцините и да ги прошири германските производствени капацитети.
Инфекцијата во Германија се забрзува, а податоците од четвртокот покажаа дека за прв пат бројот на новоинфицирани за 24 часа надмина 10.000 новоинфицирани.