Претседателот на Партијата за слобода и правда (СПП), Драган Ѓилас изјави дека искрено верува оти власта е во неволја доколку опозицијата не учествува на изборите во Белград закажани за 2 јуни.
„Искрено верувам дека бојкотот во 2020 година послужи сите да сфатат дека нешто не е во ред во Србија, дека сега тоа го знаат граѓаните на Србија и Европа кон која се стремиме“, рече Ѓилас во „Дневникот на еден опозиционер“ објавен во весникот Данас.
Оцени дека борбата за изборни услови е потешка, доколку изборите се одржат во сегашните услови.
Тој се осврна и на зборовите на Апелацискиот судија, Миодраг Мајиќ дека „неопходно е да има избори“ за да се бојкотираат изборите.
„А ние ги немаме“, изјави претседателот на Партијата за слобода и правда.
Членовите на коалицијата „Србија против насилство“, чиј дел е и ССП, во петокот одржаа состанок, по кој беше утврдено дека шест партии се за излегување на избори, а три се против.