Ѓоковиќ ќе игра на Вимблдон и во Њујорк

Новак Ѓоковиќ по поразот во полуфиналето на Ролан Гарос од Јаник Синер изјави дека не е сигурен колку долго ќе може да игра тенис на врвно ниво, но планира да игра на Вимблдон и на Отвореното првенство на САД во Њујорк оваа сезона.

„Овие турнири се приоритет во мојот календар“, рече 38-годишниот Ѓоковиќ по поразот од светскиот број еден, Италијанецот Синер.

„Освен ако нешто не тргне наопаку, сакам да играм на Вимблдон и на Отвореното првенство на САД“, додаде тој.

Вимблдон започнува за нешто повеќе од три недели, на 30 јуни. Отвореното првенство на САД ќе се одржи од 24 август до 7 септември.